Автор: Демешина Яна Афанасьевна, учитель начальных классов МБОУ “Ожулунская СОШ” Чурапчинского улуса, Республики Саха (Якутия)
Описание материала: К вашему вниманию предлагается сценарий выпускного вечера в 4 классе на якутском языке. Актуальностью публикации данного материала будет малое количество или отсутствие материалов на якутском языке в интернете. Я надеюсь, будет полезен учителям начальных классов, которые выпускают 4 класс в якутских классах.
Оформление: зал украшен воздушными шарами, плакатами, живыми цветами, творческими работами учащихся.
Цель: проведение выпускного вечера в начальной школе.
Задачи:
– Подвести итоги четырёх лет обучения в начальной школе,
– Сплочение детского коллектива и родителей через совместную деятельность
– Развивать детскую коммуникабельность, создать атмосферу праздника.
– Воспитывать доброту, взаимопомощь, уважительное отношение к педагогам и к своим одноклассникам.
Предварительная работа: разучивание стихов и песен, танцевальных номеров, сценок о школьной жизни, оформление дипломов «Выпускник начальной школы»; изготовление памятных подарков своими руками учителям, родителям, гостям; подготовка презентации, фильма; подготовка записи музыкального сопровождения праздника.
Буолар бэс ыйын 1 күнүгэр 2015
Оскуола актовай залыгар.
(фоновай музыка тыаһыыр)
Оля:
Үрдүк үөрүү аргыстаах
Үтүө күн үүммүтүнэн,
Аламай маҥан күммүт
Алаарыйа сыдьаайбытынан,
Сыал –сорук туолбут
Саргылаах түгэнинэн
Эйээркэй эҕэрдэ,
Дорҕоонноох дорообо!
Сеня:
Убаастабыллаах учууталлар,
Ытыктабыллаах ыалдьыттар,
Түбүгүрбүт төрөппүттэр,
Бырааттарбыт, балыстарбыт!
Бүгүҥҥү күҥҥэ
Буhан-хатан
Билии бэрдин ылынан
Ааҕар, суоттуур, суруйар
Айар, ыллыыр, хоhуйар
Одьулуун орто оскуолатын
Алын сүhүөҕүн бүтэрэр
Араас сатабылламмыт
Арыый да улааппыт
Оҕолорун көрсүөҕүҥ!
Алина:
Түөрт сыл туруулаhан
2904 уруокка,
Или-эйэни ииттинэ
Ирэ-хоро үөрэннибит.
2433 сүүрэр-көтөр,
Тургутуhар тохтобулланан
Аата-ахсаана биллибэт
Ааҕыллыбыт кинигэлэнэн,
Араас буочарынан суруллубут
Баhаам элбэх тэтэрээттэнэн
Ытаан, ыллаан, бурайсан,
Иллэhэн да, аhынсан
Оскуолабытыгар, учууталбытыгар
Иккис дьиэбит кэриэтэ
Сүрэхпитин сүүйтэрдибит,
Санаабытын таптардыбыт,
Куппутун туттардыбыт,
Тапталынан куустардыбыт.
Айсен:
Оскуолабыт үбүлүөйүгэр анаммыт өрөгөй ырыатын
Махталынан туолбут дууhабытыттан
Манньыйан туран,
Сүhүөхпүт үрдүгэр дугунан
Сүрү күүhүрдэн ыллыаҕыҥ!
(Ырыа бары «Махтал оскуолам»)
Сеня (сцена кэнниттэн) – Учуутал, учуутал эн үрдүк ааккар сүгүрүйэбит! Учуутал барахсан, кэнчээри ыччаты иитиигэ олоҕун анаабыт, ырааҕы өтө көрөр, кэрэ дууһалаах, аһыныгас санаалаах, үөрэтэр оҕолоругар чиҥ билиини иҥэрэр, дьиҥ-чахчы үтүө киһи.
Сценаҕа ыҥырабыт күндү учууталларбытын Туйара Семеновнаны, Светлана Григорьевнаны, Туяра Егоровнаны, Николай Петровиһы.
Алина:
Үөрэх-билии ыларга, таланы-дьоҕуру сайыннарарга,
Бэйэни сатаан салайыныыга,
Олоххо сыаллаах-дьулуурдаах буоларга.
Үтүөҕэ-кэрэҕэ, үөрэ-көтө сылдьарга уһуйар
Уруок таһынан дьарыктар салайааччыларын сценаҕа ынырабыт!
Колесова Алевтина Тарасовнаны, Седалищева Павлина Даниловнаны, Аржакова Луиза Алексеевнаны, Попов Иван Ильиһы, Аржаков Алексей Алексеевиһы, Прокопьев Евгений Вячеславовиһы, Саввина Лидия Петровнаны.
Нарыйа:
Омук дьикти тылыгар
Умсугуйан үөрэтэҕин,
Истинник мичээрдээн
Кылааска эн киирэҕин.
Туйара Семеновна, махтанабыт эйиэхэ!
Андриан:
Наада миэхэ оҕолоор,
Кустук өҥнөөх кырааска
Альбом, киистэ, харандаас.
Пейзаж, портрет ойуулуом
Улуу худуоһунньук мин буолуом!
Светлана Григорьевна, махтанабыт эйиэхэ!
Яна:
Ырыа – сүрэх төлөнө,
Ырыа – санаа көҥүлэ,
Ырыа – үөрүү кыыма,
Ырыа – нарын иэйии.
Туйара Егоровна, махтанабыт эйиэхэ!
Айсен:
Сүүрэр-көтөр, эрчиллэр.
Уруокпутун кэтэһэбит.
Пионербол, перестрелка
Оонньуурбутун ордоробут!.
Николай Петрович, махтанабыт эйиэхэ!
Денис:
Мандар иис кистэлэҥин арыйан,
Кылы субуйа тардарга үөрэттин,
Ойуулаан, оһуордаан, киэргэтэн
Өбүгэ үгэһин ситимнээтин!
Алефтина Тарасовна, махтанабыт эйиэхэ!
Настя:
Ахсаан умсугутуулаах эйгэтигэр,
«Тииҥ мэйиилэри» дьарыктаатыҥ,
Логическай задачалары
Эриэхэлии илдьириттиҥ!
Павлина Даниловна, махтанабыт эйиэхэ!
Ярик:
Ис санаа кистэлэҥ утаҕа,
Уруһуй быыһыгар кыбыллар.
Ол ону арыйан буларга,
Айылгы идэлээх уһуйар.
Луиза Алексеевна, махтанабыт эйиэхэ!
Саша С.:
Дуобат алыптаах хонуутун
Устатын-туоратын сыыйдыбыт.
Тыксаан, уксаан диэн баарын
Эбии үөрэтэн биллибит.
Иван Ильич, махтанабыт эйиэхэ!
Саша Б.:
Имигэс хамсаныы кэрэтэ,
Иитиллэр кистэлэҥ күүстэрэ
Υнкүүгэ, үнкүүгэ арыллар
Υөрүүттэн дьон-сэргэ манньыйар.
Алексей Алексеевич, махтанабыт эйиэхэ!
Гоша:
Аныгы технологиялар
Балысханнык сайдаллар.
Робот айан таһаарыам,
Баҕар күҥҥэ да ыытыам!
Евгений Вячеславович, махтанабыт эйиэхэ!
Октя:
Төрдү-ууһу сэҥээрэр,
Чинчийэр-үөрэтэр дьарыктаах
Эдэр кыраайы үөрэтээччилэр
Инникигэ эрэллээхпит,
Ситиһиигэ дьулуһабыт!
Лидия Петровна, махтанабыт эйиэхэ!
Сеня: Күндү учууталларбыт, уһуйааччыларбыт! Айыыһыккыт арчытынан, Иэйиэхсиккит иэйиитинэн өссө да оҕолору сырдыкка уһуйун, айа-тута, үөрэтэ-дьарыктыы сылдьыҥ. Баҕарабыт элбэх махталлаах үөрэнээччилэри!
(Бары «Таптыыр, ахтар, Сахам сирэ»
Оонньуу «лотерея»
(Музыка мода)
Олеся: Эһиги иннигитигэр республиканскай, региональнай, улуустааҕы «Хотугу сулус», «Дьарҕаа» мода – дизайн конкурстарын хас да төгүллээх дипломаннара, «Ситии» мода студиятын иитиллээччилэрэ. «Манчаары оонньуулара» коллекция.
(Оля Манчаарыга киирбэт).
Олеся:
Кэрэтиэн, эн ыллыыр ырыан
Кэрэтиэн, эн туойар тойугун,
Кэрэхсии-долгуйа истиэҕин,
Кутуллар, бу көмүс дорҕоону.
Баягантаева Оля толоруутугар ырыа, «Хомус»
Олеся: Көрсүҥ, Республикатааҕы «Уолан ааҕыылара» кыайыылаахтарын, биир дойдулаахпыт, суруйааччы Василий Назарович Егоров – Тумарча 80 сыллаах юбилейнай тэрээһинигэр аналлаах нэһилиэккэ ыытыллыбыт конкурстар кыайыылаахтарын хоһоонньут уолаттары!
(Номер монтаж уолаттар «Одьулуун»).
Олеся:
Талааннаах – талааны арыйар
Дьоҕурдаах – дьоҕуру иҥэрэр,
Кэнэҕэс кэскиллээх олоҕу
Дьоһуннук тускулун түстэһэ.
(Алина Максимова «Здравствуй, Якутск!»)
Олеся: Сценка «Павлик дьиэҕэ үлэни хайдах толорбутай?»
(Гоша тахсан бардаҕына «Сарсыҥҥы күн үүммүт» диэн санарар, сценка бүттэҕинэ «Оҕолоор, маннык көстүүлэр эһиги ортоҕутугар бааллар дуо?)
Оонньуу лоторея 5 шт
(музыка батик)
Без объявления «Батик мода».
Конкурс «Угадай кто?» (ыытар төрөппүт)
Олеся:
Англия омугун тылын,
Ырыатын-тойугун, үҥкүүтүн
Биир сыалга биһиги тиһэбит
Бар дьоҥҥо биһиги тиэрдэбит.
(Английское попурри)
Оонньуу: Кустар көрүҥнэрин таайыы. Ыытар төрөппүт Семен Седалищев.
(Музыка тыаһыыр «Loona»)
Варежка үҥкүү.
Лоторея 5 шт.
Олеся: Көрсүн күүстээх ытыс тыаһынан, Кыайыы 70 сылыгар аналлаах улуустааҕы «Айхаллан Аҕа дойдум» хор көрүүтүн лауреаттарын уолаттар ансамблларын.
Олеся:
Хаhан да салгыбат, умнубат
Бу дьоллоох кэмнэрбит үөрүүтэ
Кырдьары билимэ сүдү вальс!
Умнууга хаалыма дьикти вальс!
Вальс под музыку из мультфильма «Анастасия»
(вальс кэнниттэн оҕолор полукруг аллараа тураллар, биирдии биирдии сценаҕа тахсаллар)
Олеся:
Эһиги иннигитигэр алын сүһүөх выпускниктара!
Мэниктэр-тэниктэр, сүрдээх спортивнайдар,
Хорсуннар-хоодуоттар, барыга-бары көхтөөхтөр,
Толкуйдаахтар, билэргэ-көрөргө баҕалаахтар,
Уопсайынан ыллахха
Олус эйэлээхтэр!!!
Көрсүн,
Ураты-дьикти көрүүлээх
Имигэс туттуулаах.
Эйэҕэс кыыспытын
Андреева Настяны
Саха нарын-намчы кыыһа
Ааттыын кытта Нарыйаана.
Истин-килбик мичээрдээх.
Олус олус кыһамньылаах.
Барашкова Нарыйаана
Баягантаева Оля.
Туохха барытыгар
Эргиччи талааннаах.
Ыллаан да эйээриэ,
Үнкүүлээн да тэлээриэ.
Математиканы да суоттуо,
Остуоруйа да айыа.
Божедонова Саша
Лынкынас куоластаах,
Олус истин сыһыаннаах,
Кимиэхэ барытыгар куруутун көмөлөһөр кыыспыт
Винокуров Ярослав
Удьуордаан баппыт күүстээх куоластаах ырыаһыппыт.
Баҕардаҕына барытыгар дьоҕурдаах уолбут.
Гуляева Октя
Минньигэс мичээрдээх
Киэн дууһалаах,
Санаабытын сааһылаан
Кумааҕыга тиспитэ
Ыстатыйа буолан тахсыа
Гуляев Андриан
Уруһуйдуурун олус сөбүлүүр
Комикстарынан үлүһүйэр
Олус эппиэтинэстээх
Сэмэй уолбут
Кардашевская Яна
Кылааска ким күлэрэ алтан чуораан буолан иһиллэрий?
Биллэн туран Яна кыыспыт.
Ким да билбэтэх боппуруоһугар
Соһуччу эппиэти ким буларый?
Биллэн туран биһиги Янабыт.
Карпов Герман
Герман ийэтинээн
Олуһун кыһаллан
Араас тэрээһиннэргэ
Куруутун кытталлар
Бииртэн биир үрдүк ситиһиилээх буолаллар.
Максимова Алина
Төрүччүтүн ырытан үөрэтэринэн дьарыктанар,
Өбүгэ үгэһин өрө тутарын кэрэхсиибит .
Тыл предметтэригэр айылҕаттан дьоҕурдаах
Тенниһинэн үлүһүйэр
Истин сыһыаннаах дьүөгэ кыыспыт.
Павлова Инна
Элбэхтэ ааҕар, тус бэйэтин сайыннарар,
Инна билбэтэҕэ суох,
Инна көрбөтөҕө суох,
Учуутал киэн туттуута, көмөлөһөөччүтэ
Уна, ханас илиитэ.
Седалищев Саша
Билиэн-көрүөн олус баҕалаах,
Киэн кругозордаах,
Бэһиэлэй кэпсээннээх,
Аһыныык, үтүө санаалаах
Седалищев Сеня
Спорт диэн баран
Муннукка ытаабыт
Бэйэтин тэннээхтэригэр
Утарсааччыны көрбөтөх
Күүстээх – уохтаах, быһый- сымса боотурбут
Сибиряков Айсен
Кыраҕы харахтаах бэргэн ытааччы
Өркөн өйдөөх математик
Булугас тиин мэйиилээх
Холку эрэллээх уолбут.
Слепцов Гоша
Робототехника уруогун
Барытыттан чорботор
Эрэллээх эркиннээх табаарыс
Дьин чахчы саха уола Гошабыт.
Харайбатов Денис
Хаһан да хойутаабат
Уруогу мээнэ көтуппэт
Имигэс хамсаныылаах
чаҕаархай куоластаах
(презентация «Ийэлэрбит, видеофильм «Аҕаа, эйиэхэ аныыбын»)
Билии –көрүү дойдутугар (Инна)
Чиҥ билии ыларбар
Күүс – көмө буоллулар
Күндүттэн күндү дьоннорбут
Ийэлээх аҕабыт,эбэлээх эhэбит.
Үтүөҕэ кэрэҕэ уһуйан (Нарыйа)
Үөрэтэр мин ийэм барахсан,
Күн сирин көрдөрбүт үтүөҕүн
Күндүтүк, истиҥник саныаҕым.
Сир үрдүгэр ийэ баар буолан, (Ярик)
Олох тыллар сибэккилии.
Хаар ууллан, уу тахсан
Күн –дьыл ааһар биллибэттии.
Ыалдьаммын утуппат түүннэрим (Настя)
Эн сүүскэр сурааһын хааллартар.
Мэниктээн улдьаарар түгэним
Ол маҥан сүүмэхтэр эбиттэр.
Ийэ барахсан эмиэ кырдьар, (Андриан)
Сааһыран бытааран барар,
Ол эрээри оҕолоругар,
Таптала күүһүрэ турар.
Эн тикпит таҥаскын кэтэрбин (Яна)
Илиикэн сылааһа угуттуур,
Мунчааран санньыйар кэмнэрбэр
Эн намыын куолаһын иһиллэр.
(Биллэриитэ суох кыргыттар ансамблларын толоруутугар «Үрүн күн»).
(оҕолор төрөппүттэригэр бэлэхтэрин туттараллар)
(оскуола администрацията тыл этэр)
Учуутал тахсар: Үтүө күнүнэн манна мустубут бары оҕолор, төрөппүттэр, бары ыалдьыттар! Оҕо көмүскэлин күнүнэн барыгытын итиитик- истинник эҕэрдэлиибин!
Биир муударай киһиттэн ыйыппыттар: «Дьол диэн тугуй?» Онуоха кини эппит: Дьол диэн – куруутун эдэр дууһаланаргар уонна төрөппүттэрин доруобай буолалларыгар» диэн.
Күндү ийэлэр, аҕалар, эбээлэр, эһээлэр! Саамай чугас дьоннорбут! Маннайгы үктэллэрбитигэр күүс- көмө буолбуккутугар Барыгытыгар барҕа махтал! Оҕолорбут туһа диэн миэхэ үлэбэр куруутун күүс-көмө, сүбэ-ама буолбут төрөппүттэргэ махтал суруктарбын уонна бэлэхтэрбин туттарарбын көнүллээн.
- Седалищева Евдокия Гаврильевна, Семен Семенович дьиэ кэргэн.
- Андреева Марфа Афанасьевна, Николай Петрович
- Максимова Туйара Семеновна, Афанасий Петрович
- Баягантаева Александра Иннокентьевна, Петр Степанович
- Слепцова Евдокия Дмитриевнаҕа.
- Гуляева Мотрена Алексеевнаҕа
- Васильев Илья Ильичка.
- Кардашевская Надежда Анемподистовна, Николай Максимович
Оҕолору биирдиилээн чиэстээhин:
Учуутал: 4 сыл устата бары бииргэ
Олох дьикти түгэннэрин,
Олох элбэх эгэлгэтин,
Олох араас абылаҥын,
Олох уйан үөрүүлэрин
Оскуолаҕа биллигит.
Эhиги бары арааскыт,
Ол да буоллар бииргит.
Биир учууталлааххыт,
Биир кылааска үөрэнэҕит.
Хас күн аайы бу сыллар усталарыгар
Күнүм эhигинэн саҕаланар
15 араас сирэй,
15 араас майгы
Ол эрээри мин санаабар
Эhиги бары тэбис тэҥҥит.
Хас биирдии киhи туох эрэ уратылаах, кэрэхсэбиллээх өрүттээх. Билигин эhиэхэ анал ааттары туттарыахпын баҕарабын.
- Максимова Алина – Номинация «Лучшая выпускница начальной школы»
- Сибиряков Айсен – Номинация «Лучший выпускник начальной школы»
- Павлова Инна – Номинация «Гордость класса»
- Сибиряков Сеня – Номинация «Лучший спортсмен»
- Андреева Настя – Номинация «Лучшая общественница»
- Баягантаева Оля – Номинация «Самая талантливая»
- Слепцов Гоша – Номинация «Лучший друг»
- Гуляев Андриан – Номинация «Скромность и настойчивость»
- Седалищев Саша – Номинация «Самый любознательный»
- Барашкова Нарыйаана – Номинация «Самая старательная».
- Божедонова Саша – Номинация «Чуткое сердце»
- Гуляева Октя – Номинация «Самая трудолюбивая»
- Кардашевская Яна – Номинация «Самая веселая и находчивая»
- Харайбатов Денис – «Самый пунктуальный»
- Винокуров Ярослав – Номинация «Надежда и опора класса»
Кэс тыл: Күндү оҕолорум! Соторутааҕыта эрэ сэрбэллэн, улахан суумкалаах, сибэкки дьөрбөлөөх оскуола боруогун атыллаабыккыт. Эһиги бастакы кылааска киирэн А-тан, Б-тан саҕалаан ааҕар, суруйар буолбуккут. Ол кэмнэртэн номнуо 4 сыл ааһа охсубут. Бааллар этэ биһиэхэ күүстээх үөрэх күннэрэ, ойон-тэбэн мэниктээбит да кэмнэргит, үөрүүнү да хомойууну да билбит араас түгэннэрбит. Кыайтарыы хомолтото да, кыайыы көтөлө даҕаны биһигини кытары аргыстаспыттара. Билигин эһиги Билии киэн аартыгын арыйанныт, өйгүтүн үксэттигит, билиигитин ханаттыгыт! Аны орто сүһүөх оскуолаҕа тахсыаххыт. Үөрэххитигэр кыһанан үчүгэйдик үөрэнээрин, учууталларгыт тылын истэн кыһамньылаахтык уруоккутун ааҕаарын! Мэниктээбэккэ оскуолаҕытын харыстаан! Билиигэ-көрүүгэ тардыһыыгыт үксээтин! Аартыккыт арыллан истин, үөрүүгүт үксүү турдун диэн алгыс тылбын тиэрдэбин
Оҕолор андаҕар тыллара
Өбүгэбит үөрэҕин,
Ыраас ыра санаатын
Сиэрин-туомун тутуhуом.
Төрөөбүт төрүт тылбын
Дириҥник баһылаан,
Сахалыы тыыннаах
Ааттаах-суоллаах,
Айыы киһитэ буоламмын,
Дьоммут, дойдубут туһугар
Дьоһун олоҕу олороору
Сайдыы аартыгын
Тэлэччи аһаары
Сытыы өйбүтүн сайыннараары
Талба талааны арынаары
Бар дьоммутугар туһалаах
Үөрэҕи, идэни баһылаары
Бэйэҕэ эрэллээх
Бэйэтин ытыктанар
Сайдам санааны олохсутаары
Саханы Саха дэтээри
Үөрэнээччи идэтин баhылаан
Үөрэннэхпит кыhанан!
Ылсыбыты ыһыктыбакка
Санаабыты самнарбакка
Үтүө күүстээх
Үрдүк таһымнаах
Өбүгэ үөрэҕин
Умсугуйан ылынан
Уруйдаан-айхаллаан
Атастыы омуктардыын
Үйэлэртэн үйэлэргэ
Үүнэн-сайдан тахсыахпыт!
Бары:
Уруй-айхал буоллун!
Уруй-туску буоллун!
Түмүк ырыа
Маленькая страна
Знаем мы все, что есть на свете маленькая страна
Есть у страны своё названье, школа начальная
Там ждёт нас множество открытий,
Там зла и горя нет
Там управляет всем учитель и знаний дарит свет
Маленькая страна, школа начальная
Здесь хорошо учиться детям
Им второй дом она
Маленькая страна, школа начальная
Здесь нам всегда открыты, двери школа друзей полна
Помним, как привели впервые мамы за ручку нас
И за учителем вошли мы в светлый просторный класс
В школе родной, мы знали точно, что нас всегда поймут
Что нас в любую непогоду школьные мамы ждут
Можем сегодня в этом зале волю мы дать словам
Но не вернуться нам обратно к первым своим годам
Дети приходят и уходят – всех нас не сосчитать
И будет первый наш учитель вновь малышей встречать
(төрөппүттэр торт таһаараллар)